سوشل میڈیا پر ایسے کئی لوگ موجود ہیں جو کہ وائرل ہو جاتے ہیں اور پھر مشہور شخصیات بھی ردعمل دینے پر مجبور ہو جاتی ہیں۔
ہماری ویب ڈاٹ کام کی اس خبر میں آپ کو ایک ایسے ہی پاکستانی بچے کے بارے میں بتائیں گے جس کے بارے میں بھارتی اداکار نے بھی بات کی۔
گزشتہ کئی دنوں سے سوشل میڈیا پر ایک ویڈیو وائرل ہے جس میں بلوچستان کے ایک بچے کو دیکھا جا سکتا ہے جس کا رقص سب کی توجہ حاصل کر رہا ہے۔
تربت سے تعلق رکھنے والا 10 سالہ بچہ سبحان سہیل بریک ڈانسر ہے جو کہ بھارتی اداکار ٹائیگر شروف ہی کی طرح ڈانس کرتا ہے، ڈانس کے منفرد انداز نے سوشل میڈیا صارفین کو حیرت میں مبتلا کر دیا تھا۔
اب اداکار ٹائیگر شروف بھی اس بچے کی ویڈیو پر ردعمل دیے گئے بغیر نہیں رہ سکے ہیں، پاکستانی صحافی کے ٹوئیٹ پر جواب دیتے ہوئے ٹائیگر کا کہنا تھا کہ مجھے امید ہے ایک نا ایک دن میں اس بچے سے ضرور ملوں گا۔