پاکستان کی جانی مانی شخصیت ملک ریاض اور آصف علی زرداری کی مبینہ آڈیو کال سب کے سامنے آ گئی ہے جس میں ملک ریاض آصف علی زرداری سے کہتے ہیں کہ "سر مجھے عمران خان کے پیغامات آ رہے ہیں مصالحت کروا دیں"۔
یہ گفتگو جنگل کی آگ کی طرح پھیل چکی ہے اور اس گفتگو میں سب سے پہلے ملک ریاض صاحب کہتے ہیں کہ اسلام و علیکم جس کے جواب میں آصف زرداری کہتے ہیں کہ وعلیکم اسلام، خیریت۔
جس پر بات چیت کا آغاز ہوتا ہے، ملک ریاض کہتے ہیں کہ میں نے آپکو پہلے بھی بتایا تھا، آپ سے باتیں کرنی ہیں تو آپ نے کہا تھا کہ بات نہیں کریں گے۔
مزید یہ کہ ملک ریاض اس آڈیو کال میں یہ کہتے ہیں کہ خان کے پیغامات آ رہے ہیں ،مصالحت کروا دیں اور انہوں نے یہ بھی کہا کہ آج تو انہوں نے مجھے بہت ہی میسجز کیے ہیں کہ پیج اپ کروا دیں۔
یہ الفاظ سننے کے بعد آصف زرداری کہتے ہیں کہ اب امپاسبل ہے نہ۔ گفتگو میں اپنے آخری جملے میں ملک ریاض یہ کہتے سنائی دے رہے ہیں نہیں ٹھیک ہے بس آپ کے سامنے بات رکھ دی۔