اگرچہ جہیز کی لعنت پر قابو پانے کے لئے دعوے اور باتیں تو بہت کی جاتی ہیں لیکن عملی طور پر اس سے آج تک نجات نہیں حاصل کی گئی۔ جہیز پاکستان اور بھارت کا ایسا مشترکہ مسئلہ ہے جس نے کئی لوگوں کی زندگیاں اجیرن کر دیں اور کئی جانیں لے لیں۔ ایسا ہی ایک واقعہ بھارت میں پیش آیا ہے جہاں ایک خاندان میں بیاہی گئی 3 بہنوں نے اپنے بچوں سمیت کنویں میں کود کر جان دے دی۔
آخری خط میں کیا لکھا؟
جے پور میں ایک گھر کی بھائیوں سے بیاہی گئی 3 بہنوں پر سسرال والے جہیز نہ لانے کی وجہ سے دن رات طعنے دیتے اور باقاعدہ تشدد بھی کیا کرتے تھے۔ ان حالات سے تنگ آکر تینوں بہنوں نے ایک ساتھ جان دینے کا فیصلہ کیا۔ لڑکیوں نے خودکشی سے پہلے اپنے شوہروں کے لیے ایک خط بھی لکھا جس میں ان کا کہنا ہے کہ "ہم اس دنیا سے جارہے ہیں۔ روز روز کے مرنے سے ایک بار مرنا بہتر ہے۔ ہماری موت کی وجہ سسرال والے ہیں"
ایک لڑکی حاملہ تھی
بھارتی میڈیا کے مطابق خودسوزی کرنے والی بہنوں کی عمریں بلترتیب 20،23 اور 25 سال تھیں جبکہ ان کے بچوں میں ایک بچے کی عمر 4 سال تھی اور دوسرا نومولود تھا اس کے علاوہ ایک لڑکی حاملہ تھی۔