پیٹرول کی بڑھتی ہوئی قیمت ہر کسی کے لئے پریشانی کا باعث بن گئی ہے کیونکہ پیٹرول کے بڑھنے سے ہر چیز کی قیمت میں دگنا اضافہ ہو جاتا ہے۔ پچھلے دنوں صرف پاکستان میں ہی نہیں بلکہ دنیا کے دیگر ممالک میں بھی اس کی قیمت بڑھی ہے جس سے تقریباً سب ہی پریشان ہیں۔
ایسے میں ہر کوئی سستے پیٹرول کو حاصل کرنے کے خواب دیکھ رہا ہے۔ اگر آپ بھی انہیں میں سے ایک ہیں تو آپ کا یہ خواب بھی پورا ہوسکتا ہے کیونکہ ایک پیٹرول پمپ کے مالک نے یہ اعلان کیا ہے کہ اگر آپ ہمیں پلاسٹک کی بوتلیں اور تھیلیاں دیں گے تو ہم آپ کو سستا پیٹرول فراہم کریں گے۔
مگر کہاں؟
دراصل بھارتی ریاست راجستھان کے بلوارا ضلع میں قائم چھانگا بگتاورمال نامی پیٹرول پمپ کے مالک اشوک نے بڑھتی ہوئی آلودگی کو کم کرنے کے لیے انوکھا اعلان کیا ہے، وہ کہتے ہیں کہ:
اگر کوئی شخص 1 لیٹر دودھ کا 1، آدھے لیٹر دودھ کے 2 اور ساتھ میں 1 لیٹر کی خالی بوتل دے تو ہم اسے 1 روپے لیٹر سستا پیٹرول اور 50 پیسے لیٹر سستا ڈیزل دے رہے ہیں۔
اس مہم کے تحت اب تک 700ہم نے پلاسٹک بیگ جمع کرلیے ہیں لیکن ہمارا مقصد 10 ہزار بیگ جمع کرنا ہے تاکہ شہر کو پولیتھین پلاسٹک فری شہر بنایا جاسکے۔
مگر چونکہ ابھی زیادہ لوگوں کو اس مہم کے متعلق نہیں پتہ اس لیے ہم زیادہ چیزیں جمع نہیں کر پائے، مگر امید کی جارہی ہے کہ ہم جلد ہی اپنے مشن میں کامیاب ہو جائیں گے۔