کراچی کے علاقے چشمہ گوٹھ کے قریب 3 ماہی گیر لانچ میں موت کا شکار ہوگئے۔ ایک شخص بے ہوش بھی ہے۔ امکان غالب ہے کہ ماہی گیر مچھلیاں پکڑنے گئے تھے لیکن خود موت کا شکار ہوگئے۔
پولیس کی ابتدائی تحقیقات کے مطابق ماہی گیروں کی موت کی وجہ بظاہر دم گھٹنے سے ہوئی کیوں کہ متاثرہ افراد لانچ میں سو رہے تھے البتہ باقی تفصیلات پوسٹ مارٹم کے بعد معلوم ہوگی۔
البتہ فیس بک پر گروپس میں دی گئی تفصیلات کے مطابق ماہی گیروں کی موت مچھلی کے ٹینک میں موجود گیس کی وجہ سے ہوئی۔ اگر انھیں بروقت بوٹ فراہم کردی جاتی تو ان کی جانیں بچ سکتی تھیں۔