تین معصوم بچوں کی ماں ان سے چھن گئی جب تیز رفتار گاڑی خاتون پر چڑھ دوڑی اور بچوں کے سامنے ان کی ماں کو کچل کر ملزم فرار ہوگیا۔
رپورٹ کے مطابق دل دہلا دینے واقعہ راولپنڈی میں پیش آیا کہ انسانیت بھی شرما گئی۔خاتون کا حادثہ ہوا تو اس کے بچے ماں کی لاش کے گرد روتے رہے ان کا کوئی پرسان حال نہیں تھا۔
راولپنڈی فیض آباد کے قریب اسلام آباد ایکسپریس وے پر گاڑی نے خاتون کو کچل ڈالا۔خاتون اپنے تین بچوں کے ہمراہ روڑ کراس کررہی تھی اور اسی دوران خاتون کی گاڑی سے ٹکر ہوئی، عینی شاہدین نے بتایا کہ خاتون موقع پر جاں بحق ہوگئی تھی جبکہ خاتون کے ساتھ اس کے تین بچے بلبلاتے رہے۔
واقعے سے متعلق ایک شخص نے ویڈیو بنا کرسوشل میڈیا پر شئیر کی ہے جس میں اس کا کہنا تھا کہ گاڑی والے نے مارا وہ درندہ صفت انسان رکا بھی نہیں، خاتون کے بچے بلبلا کر رو رہے ہیں۔
دیکھیئے ویڈیو مناظر جب ماں کی لاش ایک سڑک پر پڑی رہی اور بچے کیسے بلبلاتے رہے۔