بھارت میں بچے بچے کو بالی وڈ میں جانے کا جنون ہوتا ہے یہی وجہ ہے کہ وہاں بچپن سے ہی والدین مشہور اسٹارز کے ساتھ اپنے بچوں کی تصاویر بھی کھنچواتے ہیں جنھیں دیکھ کر ان کے بچے پوری زندگی خوشی محسوس کرتے ہیں۔ البتہ کبھی کبھی ایسا بھی ہوجاتا ہے کہ اسٹار کے ساتھ تصویر کھنچوانے والا بچہ مستقبل میں خود بھی اسٹار بن جاتا ہے۔ جیسا کہ اس تصویر میں ہوا۔ کیا آپ کنگ خان کے ساتھ کھڑے اس بچے کو پہچان سکتے ہیں جو اب ایک مشہور اداکار ہے؟

آپ کی آسانی کے لئے ہم بتا دیتے ہیں کہ جس بچے کی ہم بات کررہے ہیں وہ تصویر کے الٹے ہاتھ کی جانب کھڑا مسکرا رہا ہے اور اس نے سفید رنگ کی قمیض پہنی ہوئی ہے۔ ایک اور واضح اشارہ دے دیتے ہیں کہ یہ بچہ بالی وڈ کی سب سے مہنگی اداکارہ کے شوہر بھی ہیں۔

یہ کون سا مشہور اداکار ہے؟

چلیں اگر آپ ابھی بھی نہیں پہچانے تو ہم بتادیں کہ یہ تصویر مشہور اداکار وکی کوشل کے بچپن کی تصویر ہے جو ان کے والد نے بیٹے کے بچپن کی یادگار کے طور پر شیئر کی ہے۔ وکی کوشل اس وقت 2001 کی مشہور زمانہ فلم اشوکا کے سیٹ پر موجود ہیں جس کے مرکزی کردار شاہ رخ خان تھے اور اس فلم کی اداکارہ کرینا کپور تھیں۔

وکی کوشل کے والد شام کوشل مزید کہتے ہیں کہ کوئی تصور بھی نہیں کرسکتا تھا کہ وکی ایک دن بالی وڈ کا حصہ بنے گا۔ وکی کوشل اس وقت 8ویں جماعت کے طالب علم تھے۔