محبت سچی ہو تو نئی زندگی کی شروعات نکاح کی صورت میں ہوتی ہے اور نکاح سے پاک اور معتبر کوئی رشتہ نہیں۔ گھر والوں کو منانے سے لے کر نکاح کرنے تک کا سفر ہر اس جوڑے کے لیے یادگار بن جاتا ہے جو محبت کی اس جنگ کی منزل پانا چاہتے ہیں۔ پھر جب نکاح ہو تو آنکھیں صرف لڑکی کی ہی نہیں لڑکے کی بھی بھر آتی ہیں۔
معروف یوٹیوبر اور سوشل میڈیا اسٹار ازلان شاہ جنہوں نے اپنی منگنی کے موقع پر گود میں بکری کا بچہ لیے تصویریں کھینچوا کر ایک مثبت پیغام دیا تھا۔ اب ان کا نکاح ہوچکا ہے اور نکاح کی ویڈیو مشہور فوٹوگرافر عبد الصمد ضیاء نے بنائی۔ ویڈیو میں دیکھا جاسکتا ہے کہ ازلان قبول ہے تو کہہ چکے اور پھر اچانک رو پڑے۔ یہ یقیناً خوشی اور محبت کے آنسو ہیں جو ان کی آنکھوں میں جھلک رہے ہیں۔ ویڈیو دیکھیں:
ازلان کے چاہنے والے ان کو نکاح کی مبارکباد اور آنے والی زندگی میں خوشیوں کے لیے دعائیں دے رہے ہیں۔ کچھ لوگوں نے کمنٹ کرتے ہوئے کہا کہ یہ آنسو بہت قیمتی ہیں جو نکاح کے وقت ایک مرد کو بھی رُلا دیں اس سے واضح ہے کہ یہ کتنے سچے اور وعدے کے پکے ہیں۔