بیٹی کی پیدائش سے گھر چہکتا اور مہک اٹھتا ہے پر آج بھی کچھ لوگ بیٹیوں کو بوجھ اور بیٹوں کو نعمت سمجھتے ہیں، ان کے پیدا ہونے پر ناچتے گاتے ہیں۔ لیکن ایک ایسی پاکستانی بیٹی بھی ہے جو تمام بھائیوں پر بھاری ہے اور مزدور والد کو کما کر کھلاتی ہے۔
جی ہاں یہ ایک سچا واقعہ ہے ۔ پاکستان کی اس بیٹی کے گھر کو کھا نے کو کچھ نہ ہوتا تھا ، گھر والوں کے ساتھ کچے مکان میں رہتی اور بابا کو غربت سے پریشان ہوتا اس سے دیکھا نہ گیا۔
اور پھر اس نے گھر ہی میں ایک بیوٹی پارلر کھول لیا ۔ دیکھتے دیکھتے ہی ان کے دن بدل گئے۔ گاؤں کے امیر امیر لوگ اس غریب کی بیٹی کے پاس میک اپ کروانے آنے لگے۔
کیونکہ افشاں اصغر علی کا کام بہت اچھا ہے۔ اس باہمت لڑکی کا کہنا ہے کہ ہم سندھ کے علاقے میرپور خاص کے چھوٹے سے گاؤں میں رہتے ہیں مگر میں شکر ادا کرتی ہوں کہ اللہ پاک نے مزدور والد کا سہارا بنادیا۔
اب حلال روزی سے گھر کا کرایہ، 5 چھوٹے بہن بھائیوں کی اسکول کی فیس اور گھر کے دیگر کاموں کے بعد بھی میرے پاس کچھ پیسے بچ جاتے ہیں۔
یہاں آپکو یہ بھی بتاتے چلیں کہ افشاں کو شروعات سے یہ کام نہیں آتا تھا، مگر اس نے ایک سماجی ادارے سے ٹریننگ حاصل کی۔ جس کے بعد یہ ان تمام لڑکیوں کیلئے عزم و ہمت کی مثال بن گئیں، جو معاشرے کو پیغام دینا چاہتی ہیں کہ صنف نازک کسی سے کم نہیں۔