نیدرلینڈز میں مسافر ٹرین پٹری سے اُتر گئی جس کے نتیجے میں درجنوں افراد زخمی ہو گئے ہیں۔
فرانسیسی خبر رساں ایجنسی اے ایف پی نے نیدرلینڈز کی ایمرجنسی سروسز کے حوالے سے بتایا ہے کہ ہیگ اور ایمسٹرڈیم کے درمیان ووورسشوٹن گاؤں کے قریب لائن پر تعمیراتی سامان سے ٹکرانے کے بعد ٹرین پٹری سے اُتر گئی۔بیان میں کہا گیا ہے کہ ‘درجنوں زخمی افراد کو جائے وقوعہ پر طبی امداد فراہم کی جا رہی ہے اور ضرورت محسوس ہونے پر ہسپتال لے جایا جا رہا ہے۔‘ایمرجنسی سروسز کے مطابق ماہرین ٹرین کو محفوظ بنانے کے لیے کام کر رہے ہیں۔