پاکستان میں جاری سیاسی کشیدگی کے دوران سیاستدانوں کی ذاتی زندگی اور اثاثوں کے حوالے سے بھی بحث جاری ہے جبکہ عمران خان کے توشہ خانہ اسکینڈل کے بعد مریم نواز کے پاس بی ڈی ایم ڈبلیو گاڑیوں سے متعلق خبریں اکثر سوشل میڈیا پر زیرگردش رہتی ہیں۔
سوشل میڈیا پروائرل پوسٹ میں اکثر مریم نواز کے شاہانہ طرز زندگی پر تنقید کے ساتھ ان کے پاس 4 لگژری بی ایم ڈبلیو گاڑیوں کا دعویٰ کیا جاتا ہے۔
چند روز قبل ٹوئٹر صارفین نے ایک تصویر شیئر کی جس میں مریم اور نوازشریف کے بیٹھا دکھایا گیا اور اس پر صارفین نے لکھا کہ ”خان صاحب کو گھڑی چور ثابت کرتے کرتے مریم نواز کی چار بی ایم ڈبلیو گاڑیوں کی چوری سامنے آگئی۔
جیو نیوز کے مطابق مریم نواز اور ان کے شوہر کے نام پر کوئی بی ایم ڈبلیو کار نہیں ہے۔مریم نواز کی جانب سے حلقہ پی پی 173 میں جمع کرائے گئے کاغذات نامزدگی میں اپنی ملکیت میں گاڑیوں کی تفصیلات میں انہوں نے کوئی نہیں درج کیا۔
مریم نواز کی جانب سے 2018 میں NA-125 اور NA-127 کے لیے جمع کرائے گئے کاغذات نامزدگی میں اپنی ملکیت کے طور پر کوئی گاڑی درج نہیں کی گئی۔
مریم نواز کے شوہر صفدر اعوان کی دستاویزات سے یہ پتہ چلتا ہے کہ مریم کے پاس 2012 سے 2016 کے درمیان ایک بی ایم ڈبلیو گاڑی تھی۔ اس گاڑی کے حوالے سے صفدر اعوان نے بتایا کہ یہ گاڑی مریم نے متحدہ عرب امارات سے تحفے کے طور پر وصول کی تھی اورگاڑی کی قیمت 60 لاکھ روپے بتائی گئی۔