پاکستان تحریک انصاف کے چیئرمین عمران خان کی گرفتاری کے بعد جہاں ایک طرف ملک بھر میں افراتفری کا عالم ہے وہیں دوسری جانب انٹرنیٹ سروسز بھی بند ہیں، جس کی وجہ سے عوام کا غصہ اور بڑھ گیا ہے۔
ایسے میں ایک پاکستانی یوٹیوبر سوشل میڈیا پر کیسے وائرل ہوگئی؟ آئیے جانتے ہیں پوری خبر
دو روز قبل عمران خان کی گرفتاری کے بعد پی ٹی اے نے ملک بھر میں انٹرنیٹ سروس معطل کردی گئی تھی، جس کے بعد اس خبر کو عالمی میڈیا نے نمایاں کوریج دی، جبکہ بھارتی میڈیا سنسنی پھیلانے کیلیئے ہر طرح کا منفی پروپیگنڈا کرتا رہا۔
ایسے میں پاکستانی یوٹیوبر سحر شنواری نے ٹوئٹ کی۔ جس میں انہوں نے لکھا کہ، "کیا کوئی مجھے دہلی پولیس کا آن لائن لنک دے سکتا ہے؟ مجھے بھارتی وزیراعظم اور بھارتی انٹیلی جنس ایجنسی را کے خلاف شکایت درج کروانی ہے ،جو پاکستان میں دہشتگردی پھیلانے کے ذمہ دار ہیں، مجھے امید ہے بھارتی سپریم کورٹ سے مجھے انصاف ملے گا۔"
یوٹیوبر سحر کے اس ٹوئٹ پر جہاں سب دنگ تھے، وہیں دہلی پولیس بھی حیران ہوگئی۔
جواباً دہلی پولیس بھی خاموش نہیں رہی اور سحر شنواری کے ٹوئٹ کو ری ٹوئٹ کرتے ہوئے انہوں نے لکھا کہ
"ہمیں ڈر ہے کہ پاکستان میں اب بھی ہمارے پاس دائرہ اختیار نہیں ہے۔ ہم یہ جاننا چاہیں گے کہ آپ کے ملک میں انٹرنیٹ سروس بند ہونے کے باجود ٹوئٹ آپ نے ٹوئٹ کیسے کیا؟"