لونگ ہر گھر میں موجود ہوتی ہے۔ اس کے علاوہ ایوویرا بھی ایسا پودا ہے جو انتہائی سستا ہے اور تقریباً ہر گھر میں ہی موجود ہوتا ہے۔ آج ہم آپ کو ان دونوں چیزوں کی ایسی ٹرک بتارہے ہیں جو آپ کو روزانہ کی مشکل سے نجات دے سکتی ہے۔
طریقہ استعمال
ایلوویرا کا بڑا سا پتا لیں اور اسے کاٹ کر تھوڑے تھوڑے فاصلے پر لونگ لگا کر بند کریں۔ اس پتے کو گیلے کپڑے میں لپیٹ دیں۔ اس کو رات بھر ایسے ہی چھوڑ دیں۔ اگلے دن ایلویرا کا سارا گودا لونگ سمیت نکال کر آدھا کپ زیتون کے تیل میں ڈال کر دھیمی آنچ پر پکائیں۔ سب چیزیں ایک جان ہوجائیں تو چھان کر شیشے کی بوتل میں نکال لیں۔ یہ تیل 6 ماہ تک استعمال کیا جاسکتا ہے۔
اس کے فائدے
جیسا کہ آپ سب جانتے ہیں ایلوویرا حسن بڑھانے کے لئے کئی بیوٹی پراڈکٹس میں استعمال کیا جاتا ہے اسی طرح یہ بالوں کی مضبوطی اور خوبصورتی بڑھانے کا کام بھی کرتا ہے۔ ایلوویرا سر کے جلد کی خشکی دور کرتا ہے اور جلد کی نشونما کرتا ہے اس کے علاوہ لونگ اینٹی بیکٹیریل خواص سے بھرپور ہے جبکہ زیتون کا تیل بالوں کو لمبا، گھنا اور خوبصورت بناتا ہے۔ یہ تیل ان لوگوں کے لئے بہت شفا بخش ہے جو بالوں کے گرنے سے پریشان ہیں۔