کبریٰ خان پاکستانی ڈرامہ انڈسٹری کی ایک کامیاب اور با صلاحیت اداکارہ ہیں، انہوں نے اپنی بہترین اداکاری اور خوبصورتی کی وجہ سے لوگوں کے دلوں میں جگہ بنائی ہے۔
وہ مختلف بلاک بسٹر ڈراموں اور فلموں میں اپنی اداکاری کے جوہر دکھا چکی ہیں اور آگے بھی اسی طرح محنت اور لگن سے کام کرنے کا ارادہ رکھتی ہیں۔
حال ہی میں کبریٰ خان نے ایک فلم کے پریمیئر میں شرکت کی، جہاں ان کے مداحوں کی بھی بڑی تعداد ان سے ملنے اور ساتھ تصویر بنوانے کیلیئے پہنچی ہوئی تھی۔
اسی دوران ایک سادہ لوح شخص بھی وہاں موجود تھا جو کہ اپنے موبائل سے اداکارہ کے ساتھ سیلفی لینے کی کوشش کر رہا تھا۔
ویڈیو میں دیکھا جاسکتا ہے کہ اس شخص کی جدوجہد دیکھ کر کبریٰ سے رہا نہیں گیا اور وہ اس شخص سے موبائل لے کر خود ان کے ساتھ سیلفی لے لیتی ہیں۔
اداکارہ کبریٰ خان کے سادہ لوح انسان کے ساتھ عاجزانہ رویے سے پیش آنے پر سوشل میڈیا صارفین نے تعریفوں کے پُل باندھ دیے ہیں اور ان کے اس عمل کو خوب سراہا جارہا ہے۔