کیا آپ کو سلمان خان کی مشہور فلم بجرنگی بھائی جان کی مُنّی یاد ہے؟ چھوٹی منی اب بڑی ہوچکی ہے۔
کبیر خان کی ہدایت کاری میں بنی بجرنگی بھائی جان بلاک بسٹر ہٹ رہی تھی۔ یہ فلم سلمان خان کے کیریئر میں ایک اہم موڑ ثابت ہوئی۔ منی کے طور پر ہرشالی ملہوترا کی اداکاری اور سلمان کے ساتھ ان کی کیمسٹری نے بھی سب کے دل جیت لیے تھے۔
چھوٹی سی منی یعنی ہرشالی ملہوترا سالوں بعد کیمرہ کے سامنے اس وقت آئیں جب وہ اپنی ڈانس کلاس سے باہر نکل رہی تھیں۔ انہیں دیکھتے ہی میڈیا کے نمائندے انکی طرف متوجہ ہوگئے۔
ہرشالی ایک آرام دہ جامنی رنگ کے کُرتے میں سادہ لیکن مسحور کن لگ رہی تھی۔ اس نے اپنے بالوں کو ایک لمبے پونی ٹیل میں باندھا ہوا تھا۔ باہر کھڑے کیمرہ مینز کی جانب دیکھ کر اس نے ایک میٹھی سی مسکراہٹ پاس کی۔ وہ ایک خوبصورت اور شرمیلی نو عمر لڑکی لگ رہی تھی۔
ہرشالی ملہوترا کی تازہ ویڈیو اور تصاویر جب سوشل میڈیا پر سامنے آئیں تو ایک صارف نے کہا کہ ’یہ بچی کتنی جلدی بڑی ہوگئی، پتا ہی نہیں چلا‘، دوسرے نے لکھا کہ یار اس کی اسمائل کتنی پیاری ہے۔
وہیں ایک اور صارف کا کہنا تھا کہ، "منی اب اتنی بڑی ہوگئی ہے کہ سلمان بھائی کو کاندھے پر اٹھا کر کلیکسی اپارٹمنٹ چھوڑ کر آئے گی"۔