اسلام آباد۔8مئی (اے پی پی):ازبکستان کے وزیرخارجہ بختیار سیدوف دو روزہ پاکستان پر پاکستان پہنچ گئے۔ بدھ کو یہاں دفتر خارجہ آمد پر نائب وزیراعظم اور وزیر خارجہ محمد اسحاق ڈار نے معزز مہمان کا استقبال کیا۔ دفتر خارجہ کے مطابق ازبکستان کے وزیر خارجہ پاکستان میں قیام کے دوران وزیراعظم شہباز شریف سے ملاقات کریں گے۔ ازبک وزیرخارجہ نائب وزیر اعظم اور وزیر خارجہ سینیٹر اسحاق ڈار سے باضابطہ مذاکرات کریں گے۔ مذاکرات میں دوطرفہ اقتصادی و تجاری تعلقات کو مزید فروغ دینے پر خصوصی توجہ مرکوز رہے گی۔