اسلام آباد۔12مئی (اے پی پی):پاکستان کے معروف فنکار و مزاح نگار فاروق قیصر المعروف انکل سرگم کی برسی (کل) منگل 14 مئی کو منائی جائے گی ۔ فاروق قیصر(انکل سرگل) 31 اکتوبر 1945 کو سیالکوٹ میں پیدا ہوئے۔ انکل سرگم کالم نگار، ڈائریکٹر، کٹھ پتلی ساز، سکرپٹ رائٹر اور وائس ایکٹر بھی تھے ۔ انہوں نے بہت سی مزاحیہ کتابیں بھی لکھیں۔ فاروق قیصر کو 1970 ء میں پہلی مرتبہ اکڑ بکڑ کے ذریعے پاکستان ٹیلی ویژن پر متعارف کرایا گیا
لیکن فاروق قیصر کو اصل شہرت 1976 ء میں بچوں کے ڈرامہ کلیاں میں اپنے کردار انکل سرگم سے ملی اور وہ راتوں رات شہرت کی بلندیوں پر پہنچ گئے۔ فاروق قیصر کی برسی کے موقع پر سرکاری، غیر سرکاری و نجی اداروںتنظیموں کے زیر اہتمام ملک بھر کے مختلف شہروں میں ان کے مداحوں کی جانب سے منعقدہ تقریبات میں انگل سرگم کی یاد تازہ کی جائے گی اور ان کی علمی، ادبی و فنی خدمات پر خراج تحسین پیش کیا جائے گا۔