اسرائیلی فوج نے بے گھر فلسطینیوں سے خان یونس بھی خالی کروا لیا ، بمباری سے مزید درجنوں شہید

اسرائیلی فوج کے مظالم جاری ، غزہ میں سیف زون قرار دیئے گئے علاقے پر بمباری کرکے مزید درجنوں فلسطینیوں کو شہید کر دیا۔

عرب میڈیا کے مطابق سیف زون پر حملے میں ایک ہی خاندان کے 9 افراد سمیت 12 افراد جبکہ نور شمس پناہ گزین کیمپ پرحملے کے نتیجے میں 6 فلسطینی شہید ہو گئے۔

غزہ ، ریڈ کراس کے دفتر پر بمباری ، 22 فلسطینی شہید ، حماس نے اسرائیلی ٹینک تباہ کر دیا

اسرائیلی فوج نے بے گھر فلسطینیوں سے خان یونس بھی خالی کروا لیا ہے۔ عرب میڈیا کے مطابق 7 اکتوبر سے جاری غزہ جنگ میں کم از کم 37 ہزار 925 فلسطینی شہید اور 87 ہزار سے زائد زخمی ہیں۔

واضح رہے کہ مشرق میں مقیم ہزاروں فلسطینی مغربی علاقے المواسی کی طرف ہجرت کر گئے ہیں، علاقے میں نکاسی آب، بجلی، مواصلات اور انٹرنیٹ جیسی کوئی سہولت موجود نہیں ہے۔

غزہ اور رفح میں اسرائیلی طیاروں کی رات بھر بمباری ، مزید درجنوں فلسطینی شہید

دوسری جانب عالمی ادارہ صحت کا کہنا ہےکہ غزہ میں جنگ کے باعث پیدا ہونے والے خراب حالات کے سبب ڈیڑھ لاکھ سے زائد فلسطینی جِلد کی بیماریوں میں مبتلا ہیں۔