دنیا بھر کی 100 متاثر کن اور بااثر خواتین کی فہرست میں پاکستان سے مشہور گلوکارہ حدیقہ کیانی بھی شامل ہیں۔
برٹش براڈکاسٹنگ کارپوریشن (بی بی سی) نے اپنی سالانہ “100 خواتین 2024” کی فہرست جاری کی ہے ۔
بی بی سی کے مطابق حدیقہ کیانی، جو 1990 کی دہائی سے موسیقی کی دنیا پر راج کر رہی ہیں، نہ صرف اپنی جاندار گلوکاری کے لیے مشہور ہیں بلکہ ان کی انسانیت کے لیے خدمات بھی بے مثال ہیں۔
2022 کے پاکستان میں آنے والے تباہ کن سیلاب کے دوران، حدیقہ نے متاثرین کی مدد کے لیے وسیلۂ راہ پروجیکٹ کا آغاز کیا، جس کے تحت بلوچستان اور جنوبی پنجاب میں 370 سے زائد مکانات تعمیر کیے گئے۔
ماں کے لیے حدیقہ کیانی نے سوشل میڈیا چھوڑ دیا
بی بی سی کے مطابق، حدیقہ کیانی جنوبی ایشیائی پاپ موسیقی میں خواتین کے عزم اور طاقت کی علامت ہیں۔ وہ اقوام متحدہ کی ترقیاتی پروگرام کی خیرسگالی سفیر کے طور پر بھی خدمات انجام دے رہی ہیں۔