جنوبی کوریا کی عدالت نے معطل صدر یون سک یول کے وارنٹ گرفتاری جاری کردیے۔
غیر ملکی خبر ایجنسی کے مطابق جنوبی کوریا میں مارشل لا لگائے جانےکی تحقیقات کرنے والے جوائنٹ انویسٹی گیشن یونٹ نے سابق صدر یون سک یول کے وارنٹ گرفتاری کی درخواست کی تھی۔
مارشل لا کے نفاذ پرپارلیمنٹ کے مواخذےکے بعد یون سک یول صدارت کے عہدے سے معطل ہیں۔ مواخذےکی توثیق کےلیےآئینی عدالت کا حکم آنا ابھی باقی ہے۔
سابق صدر کے وکیل کا کہنا ہے کہ یون سک یول کےگرفتاری کے وارنٹ غیرقانونی ہیں۔
خبر ایجنسی کے مطابق جنوبی کوریا میں 3 دسمبر کا مارشل لا بغاوت کے مترادف تھا یا نہیں اس کی تحقیقات چل رہی ہیں اور یون سک یول پولیس اور کرپشن انویسٹی گیشن یونٹ کے سوالوں کے جواب دینے میں ناکام رہے تھے۔
جنوبی کوریا میں یہ پہلی مرتبہ ہوا ہے کہ کسی صدر کے وارنٹ گرفتاری جاری کیے گئے اور جنوبی کوریا کے آئین کے مطابق صدر کو بھی بغاوت کے کیس میں استثنیٰ حاصل نہیں ہے۔