پاکستان نے جنوبی افریقا کو شکست دیکر سہ ملکی سیریزکے فائنل کیلئے کوالیفائی کرلیا۔
پاکستان نے 353 رنز کا ہدف 4 وکٹوں کے نقصان پر49 ویں اوور میں حاصل کیا،پاکستانی اننگز کی خاص بات کپتان محمد رضوان اور نائب کپتان سلمان آغا کی شاندار سنچریاں تھیں ،کپتان محمد رضوان کی سنچری میں 7چوکے ،3 چھکے شامل تھے ،انہوں نے نے 106گیندوں پر سنچری مکمل کی،یہ محمد رضوان کی ون ڈے کیرئیر کی چوتھی سنچری ہے۔
شیر افضل مروت کو پی ٹی آئی سے نکالنے کا فیصلہ
نائب کپتان سلمان علی آغا نے 13 چوکوں کی مدد سے سنچری بنائی،انہوں نے87گیندوں پر سنچری اسکور کی،یہ سلمان علی آغا کی ون ڈے کیرئیر کی پہلی سنچری اسکورہے۔
قبل ازیں سہ فریقی سیریز کے اہم میچ میں جنوبی افریقا نے پاکستان کو جیت کیلئے 353 رنز کا ہدف دیا،کراچی میں کھیلے جارہے میچ کا ٹاس جنوبی افریقا نے جیتا اور پہلے بیٹنگ کرنے کا فیصلہ کیا، جنوبی افریقا کے بیٹرز نے پاکستانی بائولرز کی کھل کر دھلائی کی۔
بھارتی بالر جسپریت بمرا انجری کے باعث چیمپئنز ٹرافی سے باہر
جنوبی افریقا نے 5وکٹوں کے نقصان پر 352رنز بنائے،کلاسن 87رنز بناکر نمایاں رہے،میتھیو بریز نے 83اور ٹیمبا باووما نے 82 رنز کی اننگز کھیلی۔
شاہین شاہ آفریدی نے 2کھلاڑیوں کوآؤٹ کیا،نسیم شاہ اور خوشدل شاہ کے حصے میں ایک ایک وکٹ آئی ، جبکہ جنوبی افریقا کا ایک بیٹر رن آئوٹ ہوا۔
سہ ملکی سیریز کا فائنل جمعے کو پاکستان اور نیوزی لینڈ کے درمیان کراچی میں ہی کھیلا جائیگا۔