تصویریں ہمیشہ ہی یادگار ہوتی ہیں لیکن کبھی ایسا بھی ہوتا ہے کہ انجانے میں لی گئی تصویر انسان کی آخری یاد بن کر رہ جاتی ہے. کون جانتا ہے کہ تصویر میں ہنستا مسکراتا انسان پلک جھپکتے میں ختم ہوجائے گا. ایسا ہی کچھ بھارتی ریاست گجرات کے شہر احمد آباد میں ہوا.
جہاں طیارہ حادثے میں مرنے والوں میں ایک ہی خاندان کے 5 افراد بھی شامل تھے. یہ خاندان احمد آباد میں چھٹیاں گزار کر واپس برطانیہ جا رہا تھا، جنہوں نے طیارے میں اپنی سیلفی بھی لی تھی۔
بھارتی میڈیا کا کہنا ہے کہ ڈاکٹر پرتیک جوشی گزشتہ 6 برس سے لندن میں فرائض انجام دے رہے تھے جبکہ ان کی اہلیہ ڈاکٹر کومی ویاس جو کہ خود بھی پیشے سے ڈاکٹر تھیں اپنی ملازمت چھوڑ کر شوہر کے ساتھ لندن میں بسنے کےلیے اپنے تین بچوں کے ساتھ روانہ ہو رہی تھیں. آخری لی گئی سیلفی میں ان سب کے چہروں پر خوشی دیکھی جاسکتی ہے.
اس جوڑے کے 2 جڑواں بیٹے، نکل اور پردیوت پانچ سال کے تھے اور ان کی بیٹی میرایا آٹھ سال کی تھی۔