انٹرنیشنل کرکٹ کونسل ( آئی سی سی ) نے چیمپئنز ٹرافی ٹورنامنٹ کی انعامی رقم کا اعلان کر دیا۔
آئی سی سی نے مجموعی انعامی رقم میں گزشتہ ایڈیشن کے مقابلے میں 53 فیصد اضافہ کیا ہے ، ٹورنامنٹ میں حصہ لینے والی ٹیموں میں 69 لاکھ ڈالر کی انعامی رقم تقسیم کی جائے گی۔
آسٹریلیا کی ٹیم کو ایک اور دھچکا ، مچل اسٹارک بھی چیمپئنز ٹرافی کے اسکواڈ سے دستبردار
فاتح ٹیم کو 22 لاکھ 40 ہزار جبکہ رنر آپ ٹیم کو 11 لاکھ 20 ہزار ڈالر ملیں گے۔ اس کے علاوہ سیمی فائنل ہارنے والی دونوں ٹیموں کو 5 لاکھ 60 ہزار ڈالر دیئے جائیں گے۔
ہر گروپ میچ جیتنے پر ٹیموں کو 34 ہزار ڈالر کی انعامی رقم ملے گی ، پانچویں اور چھٹے نمبر پر آنے والی ٹیموں کو 3 لاکھ 50 ہزار جبکہ ساتویں نمبر کی ٹیم کو 1 لاکھ 40 ہزار ڈالر ملیں گے۔