بلوچستان، یوم پاکستان کی مناسبت سے سپورٹس فیسٹول میں کھیلوں کے مقابلے جاری

image

محکمہ کھیل حکومت بلوچستان کے زیراہتمام صوبہ بھر میں سپورٹس فیسٹول یوم پاکستان کی مناسبت سے کھیلوں کے مقابلے جاری ہیں، فیسٹول کے تحت فٹسال ٹورنامنٹ، ووشو ٹورنامنٹ، باسکٹ بال کے مقابلوں کا بھی آغاز ہوچکا ہے۔

افتتاحی تقریب کے مہمان خاص پاکستان پیپلز پارٹی کے رہنما رکن اسمبلی پارلیمانی سیکرٹری لیاقت علی لہڑی تھے باسکٹ بال کے مقابلے پاکستان سپورٹس بورڈ کوئٹہ سینٹر میں ہوئےافتتاح بلوچستان اولمپک ایسوسی ایشن کے جنرل سیکرٹری شیرمحمد ترین نے کیا۔

بنگلہ دیش کرکٹ ٹیم وائٹ بال سیریز کھیلنے پاکستان آئے گی

ووشو کے مقابلے ایوب سپورٹس کمپلیکس مارشل آرٹس جمنازیم میں شروع ہیں، باسکٹ بال کے مقابلوں میں کوئٹہ کے 6 ٹیموں نے حصہ لیا ہے، ووشو کے مقابلوں 7 مختلف ویٹ کیٹیگریز ہے کوئٹہ سے 35 کھلاڑیوں نے حصہ لیا ہے۔

اس موقع پر آرگنائزنگ کمیٹی کے ممبرعبدالباقی، محمد صادق سمیت تماشائی بھی بڑی تعداد میں موجود تھے، افتتاحی تقریب کے موقع پر مہمان خصوصی کو کھلاڑیوں سے خصوصی تعارف بھی کرایا گیا۔

لیاقت علی لہڑی نے میڈیا سے گفتگو کرتے ہوئے کہا ہے کہ 23 مارچ یوم پاکستان کی مناسبت سے سپورٹس فیسٹول کا انعقاد خوش آئند ہے،بلوچستان حکومت کھیلوں کے فروغ اور کھلاڑیوں کو کھیلنے کے مواقع فراہم کے لیے کوشاں ہیں۔

صوبے میں امن و امان کی مخدوش صورتحال کے باوجود تماشائیوں کی بڑی تعداد میچ دیکھنے کے لیے گراؤنڈ میں موجودگی قابل تحسین ہے،نوجوانوں کو کھیلوں کی طرف راغب کرینگے تاکہ وہ منشیات جیسی لعنت سے بچ سکے اور کھیلوں میں حصہ لیکر اپنے ملک اور صوبے کا نام روشن کریں۔

انہوں نے کہا ہے کہ علاقے میں نوجوانوں کے لیے مزید گراؤنڈز بھی بنائیں گے،فٹسال مقابلوں کا انعقاد 22 مارچ تک جاری رہیں گے، ووشو ایونٹ کے فائنل مقابلے آج مارشل آرٹس جمنازیم ایوب سپورٹس کمپلیکس میں ہونگے۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.