اسلام آباد: سپریم کورٹ نے سندھ اور خیبر پختونخوا حکومتوں سے قرآن پاک کی لازمی تعلیم پر جواب مانگ لیا۔
سپریم کورٹ پاکستان میں قرآن پاک کی تعلیم لازمی قرار دینے کی درخواست پر سماعت ہوئی۔ وفاق، پنجاب اور بلوچستان حکومتوں نے جوابات جمع کروا دیئے۔ جبکہ سندھ اور خیبرپختونخوا حکومت نے جوابات جمع کرانے کے لیے وقت مانگ لیا۔
جسٹس جمال مندوخیل نے ریمارکس دیئے کہ جواب کے مطابق وفاقی حکومت نے قرآن پاک کی تعلیم کے لیے اقدامات شروع کر دیئے ہیں۔ اور حکومت کو اپنا کام کرنے دیں عدالت کیوں مداخلت کرے؟
درخواست گزار انیق کھٹانہ نے مؤقف اختیار کیا کہ حکومتیں کام کر رہی ہوتیں تو 5 سال سے عدالتوں میں چکر نہ لگا رہا ہوتا۔ قانون کے مطابق وہ ترجمہ رائج ہو سکتا ہے جو متفقہ ہو۔ اور وفاقی حکومت کی جانب سے ترجمہ کی منظوری دینا بھی لازمی ہے۔
انیق کھٹانہ نے کہا کہ کسی صوبے یا وفاق نے نوٹیفکشن منسلک نہیں کیے۔
یہ بھی پڑھیں: وزیر اعلیٰ پنجاب کا روایتی تعلیم کو دلچسپ اور زیادہ مؤثر بنانے کا اعلان
جسٹس جمال مندوخیل نے کہا کہ بچہ پیدا ہوتا ہے تو اسے مادری زبان سکھائی جاتی ہے۔ اس کے بعد اردو اور انگلش۔ اب سب لوگ چائنیز زبان کے پیچھے پڑ گئے ہیں۔ بچوں کو اور کیا کیا سکھانا چاہتے ہیں؟۔
درخواست گزار نے کہا کہ آئین کا آرٹیکل 31 واضح ہے کہ قرآن کی تعلیم اور اسلامیات الگ ہیں۔
عدالت نے سندھ اور کے پی حکومت سے قرآن پاک کی لازمی تعلیم کے معاملے پر جواب مانگ لیے
جسٹس امین الدین کی سربراہی میں پانچ رکنی بنچ نے سماعت غیر معینہ مدت تک ملتوی کر د