پاکستانی اداکارہ حریم فاروق کا کہنا ہے کہ شادی کے لئے گھر کے کام آنا ضروری نہیں ہیں، گھر کے کام کاج بیویوں کیساتھ شوہروں کو بھی آنے چاہیے۔
نجی ٹی وی کے مارننگ شو میں گفتگو کرتے ہوئے حریم فاروق نے کہا کہ شادی کے لیے یہ معیار ہونا کہ عورت کو کھانا پکانا، برتن دھونا اور دیگر کام کاج آنے چاہیئں، یہ ٹھیک نہیں۔
علیزے کا زرنش کو معاف کرنے سے صاف انکار
اداکارہ نے کہا کہ شادی اچھی گزارنے کے لئے اور بہت چیزیں ہیں جو ضروری ہیں، شادی اچھی گزارنے کے لیے ایک دوسرے میں صبر ہونا چاہیے۔
انہوں نے کہا کہ ایک دوسرے کے لئے عزت اور پیار ہونا چاہیے، یہ ضرور سیکھیں کہ ایک دوسرے کے ساتھ پیار اور محبت سے کیسے رہنا ہے۔
انہوں نے مزید کہا کہ شادی کہنے میں تو بڑی مزے کی لگتی ہے کہ ایونٹس ہوتے ہیں، تیاریاں ہوتی ہیں، شغل لگتے ہیں لیکن کسی بھی رشتے کی طرح اس کو نبھانا یہ بہت مشکل کام ہے جو آنا چاہیے۔