جے یو آئی سربراہ مولانا فضل الرحمان نے اسرائیلی بربریت کے خلاف آج احتجاج کی اپیل کردی۔
مولانا فضل الرحمان نے کہا کہ فلسطین پراسرائیلی بربریت کے خلاف یوم احتجاج منائیں گے، خطباء اور آئمہ حضرات جمعہ کے اجتماعات میں اسرائیلی درندگی کو بے نقاب کریں۔
اسرائیلی فورسزکی غزہ پر جارحیت جاری، مزید 60 فلسطینی شہید
انہوں نے کہا کہ اسرائیلی حملے میں سیکڑوں جوانوں بچوں بچیوں اور خواتین کی شہادتیں افسوسناک ہیں، اسرائیل نے امن وامان کی طرف بڑھتے ماحول کو بدامنی میں تبدیل کردیا ہے۔
انہوں نے مزید کہا کہ عالمی برادری بالخصوص مسلم اُمّہ اپنے فلسطینی بھائیوں کے لئے آواز بلند کرے، اسرائیلی درندگی کسی صورت قابل برداشت نہیں، رحمت اور مقدس مہینے میں انسانیت سوزمظالم سے دل چھلنی ہیں۔