وزیر اعلیٰ پنجاب مریم نواز شریف نے پانی کے عالمی دن کے موقع پر اپنے پیغام میں کہا ہے کہ پانی زندگی کی علامت ہے اور آئندہ نسلوں کے محفوظ مستقبل کی ضمانت ہے۔
وزیراعلیٰ نے کہا کہ ہمارے نبی کریم حضرت محمدؐ نے بھی پانی کے ضیاع سے منع فرمایا ہے اور ان کی تعلیمات پر عمل کرتے ہوئے ہمیں پانی کو بچانے کے لیے عملی اقدامات کرنا ہوں گے۔
انہوں نے کہا کہ پانی نعمت ہے جس کا تحفظ ہم سب کی مشترکہ ذمہ داری ہے،پانی کا ضیاع روکنے کے لیے شعور بیدار کرنا ہوگا، موسمیاتی تبدیلیوں اور بے احتیاطی کے باعث آبی ذخائر کم ہو رہے ہیں۔
پنجاب اور سندھ کے لیے 30 سے 35 فیصد پانی کی قلت کا انتباہ جاری کر دیا گیا، شیری رحمان
وزیراعلیٰ مریم نواز نے کہا کہ آبی ذخائر کے تحفظ کے لیے اقدامات نہ کیے تو آئندہ نسلیں قلت کا شکار ہو سکتی ہیں، پانی کے مناسب استعمال اور تحفظ کے لیے عملی اقدامات ناگزیر ہیں۔
بارشی پانی کے ذخائرکو محفوظ کرکے اور زیر زمین ٹینک بنا کر آبپاشی کے لیے استعمال کیا جا سکتا ہے، انہوں نے عوام سے اپیل کرتے ہوئے کہا کہ آئندہ نسلوں کی بقا کے لیے پانی ذمہ داری سے استعمال کریں۔