وزیر اطلاعات پنجاب عظمیٰ بخاری نے کہا ہے کہ ایک کروڑ نوکریوں کا جھانسہ دینے والے لوگوں کا روزگار چھیننے پر آ گئے ہیں۔
صوبائی وزیر اطلاعات نے کہاکہ خیبرپختونخوا حکومت نے مرکز بحالی پراجیکٹ کے 182ملازمین کونوکری سے نکال دیا ہے،تنقید کرتے ہوئے کہا کہ ایک کروڑ نوکریوں کا جھانسہ دینے والے لوگوں کا روزگار چھیننے پر آگئے ہیں۔
خیبرپختونخوا میں کروڑوں روپے سوشل میڈیا ٹیم کو دیے جاتے ہیں، ان کا کہنا تھا کہ یہی سوشل میڈیا ٹیم دن رات پاکستان اور اداروں کے خلاف پروپیگنڈے کرتی ہے،خیبرپختونخوا حکومت کے وسائل احتجاج،جلسے اور مارچ پر خرچ کرنے کیلئے ہر وقت دستیاب ہیں،سرکاری ملازمین کی تنخواہیں ادا کرنے کیلئے علی امین گنڈاپور کے پاس فنڈز نہیں ہوتے۔
حکومت کی تنخواہ دار طبقے کو فوری ریلیف دینے سے معذرت
انہوں نے کہا کہ وزیراعلیٰ خیبرپختونخوا وفاق سے ملنے والا این ایف سی ایوارڈ کا حصہ برابر وصول کرتے ہیں،خیبرپختونخوا میں بلدیاتی نمائندے 2 سال سے فنڈز نہ ملنے پر سڑکوں پر ہیں، انہوں نے کہا کہ خیبرپختونخوا میں تعلیمی ادارے کے ملازمین الگ سے احتجاج کرتے ہیں۔
صوبائی وزیر اطلاعات نے کہا کہ وزیراعلیٰ مریم نواز نے ستھرا پنجاب منصوبے میں ایک لاکھ سے زائد افراد کو نوکریاں دیں،پنجاب کے درجنوں نئے منصوبوں میں اب تک لاکھوں نئی نوکریاں پیدا ہوئی ہیں۔
انہوں نے کہا کہ وزیراعلیٰ پنجاب مریم نواز عوام کی خدمت میں مصروف ہیں، مخالفین عوام کے منہ سے روٹی کا نوالہ چھیننے میں مصروف ہیں۔