وفاقی بیوروکریسی میں اعلیٰ افسران کے بڑے پیمانے پر تقرر و تبادلے کئے گئے ہیں۔
نوٹیفکیشن کے مطابق عائشہ حمیرا چودھری کو سیکریٹری وزارت موسمیاتی تبدیلی تعینات کر دیا گیا،عائشہ حمیرا چودھری اس سے قبل ایڈیشنل سیکریٹری وزارت موسمیاتی تبدیلی تعینات تھیں۔
پنجاب بھر کے اسکولزمیں 28 مارچ سے 6 اپریل تک تعطیلات کا اعلان
محمد اسلم غوری کو اسپیشل سیکریٹری وزارت خزانہ،ڈاکٹر نواز احمد کو گریڈ 22میں ترقی کے بعد ممبر وزیر اعظم معائنہ کمیشن،حماد شمیمی کو گریڈ 22میں ترقی کے بعد سیکریٹری نجکاری ڈویژن،سیکریٹری انچارج وزارت بین الصوبائی رابطہ ظہور احمد کو سیکریٹری وزارت بین الصوبائی رابطہ تعینات کیا گیا ہے۔
گریڈ 22میں ترقی پانے والے اعلی ٰپولیس افسران کے بھی تقرر وتبادلے کئے گئے ہیں ، نوٹیفکیشن کے مطابق ایڈیشنل سیکریٹری وزارت مواصلات بی اے ناصر سیکریٹری وزارت انسانی حقوق تعینات کئے گئے ہیں۔
غلام نبی میمن گریڈ22 میں ترقی پانے کے بعد آئی جی سندھ تعینات رہیں گے،پولیس سروس کے محمد فاروق مظہر ڈائریکٹر جنرل نیشنل انسٹیٹیوٹ آف مینجمنٹ،گریڈ 22میں ترقی پانے کے بعد عبدالخالق شیخ ڈی جی نیشنل پولیس بیورو تعینات کئے گئے ہیں۔
میٹرک اور انٹرمیڈیٹ کے امتحانات کیلئے 10 نکاتی گریڈنگ سسٹم متعارف
موٹروے پولیس کے زبیر ہاشمی گریڈ 22میں ترقی ملتے ہی سول سروس سے ریٹائر ہو گئے،ایڈمنسٹریٹیو سروس کے وسیم اجمل چودھری سیکریٹری وزارت نیشنل فوڈ سیکیورٹی ہونگے۔
اسی طرح ایڈمنسٹریٹیو سروس کی عنبرین رضا اسپیشل سیکریٹری کابینہ ڈویژن،گریڈ 22میں ترقی پانے کے بعد عثمان اختر باجوہ سیکریٹر ی پرائیوٹائیزیشن کمیشن،محمد عمیر کریم اسپیشل سیکریٹری وزارت اقتصادی امور تعینات کئے گئے ہیں۔
سید عطا الرحمان سیکریٹری وزارت مذہبی امور،راشد محمود لنگڑیال چیئرمین ایف بی آر،مومن آغا سیکریٹری وزارت پیٹرولیم ، ندیم محبوب سیکریٹری وزات نیشنل ہیلتھ سروسز ہونگے۔
معین الدین وانی گریڈ22 میں ترقی پانے کے بعد سیکریٹری وزارت تعلیم،داود محمد بریج گریڈ22 میں ترقی پانے کے بعد ڈی جی نیشنل انسٹیوٹ آف مینجمنٹ،شکیل احمد مگنیجو اسپیشل سیکریٹری وزارت کامرس ہونگے۔
سونے کی فی تولہ قیمت 3 لاکھ 17ہزار800 روپےپربرقرار
سعدیہ ثروت جاوید اسپیشل سیکریٹری وزارت پیٹرولیم،اسد رحمان گیلانی سیکریٹری وزارت قومی ورثہ تعینات کئے گئے ہیں،گریڈ22 میں ترقی پانے کے بعد علی سرفراز حسین جنیوا میں پاکستانی مندوب کے فرائض انجام دینگے۔
گریڈ22 میں ترقی پانے کے بعد زاہد اختر زمان بطور چیف سیکریٹری پنجاب تعینات رہیں گے،نبیل احمد اعوان اور احمد رضا کی خدمات پنجاب حکومت کے سپرد رہیں گی۔
اسٹیبلشمنٹ ڈویژن نے تقرر و تبادلوں کے باضابطہ نوٹیفکیشن جاری کر دیئے۔