اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ کامرس پرائیویٹ ،آرٹس پرائیویٹ اور ہوم اکنامکس گروپس کے ضمنی امتحانات برائے 2017ء کے اسکروٹنی فارم بروز جمعرات15 فروری 2018 ء سے بروز بدھ 14 مارچ 2018ء تک وصول کیے جائیں گے،
بورڈ کے جاری کردہ نوٹیفکیشن نمبر BIE/CE/SCRUTINY/24/2018 کے مطابق اپنے پرچوں
کی اسکروٹنی کروانے کے خواہشمند طلباء اپنے اسکروٹنی فارم متعلقہ سیکشن سے ضروری
تصدیق کے بعد درج بالا تاریخوں میں بورڈ آفس میں واقع حبیب بینک لمیٹڈ کے بوتھ میں
جمع کرواسکتے ہیں، تاریخ گزرنے کے بعد کوئی فارم قبول نہیں کیا جائے گا۔علاوہ ازیں
کامرس پرائیویٹ اور آرٹس پرائیویٹ گروپس کے طلباء کی مارکس ان کی جانب سے دیئے گئے
پتوں پر روانہ کردی گئی ہیں جبکہ ہوم اکنامکس گروپ کے طلباء کی مارکس شیٹس ان کے
کالجوں کو بھیج دی گئی ہیں۔