ایبٹ آباد میں حویلیاں سے مگری جانے والی مسافر جیپ حادثے کا شکار ہوگئی جس کے نتیجے میں 5 افراد موقع پر ہی جاں بحق جبکہ 5 زخمی ہوگئے۔
پولیس کے مطابق جیپ میں 12 افراد سوار تھے۔ تیز رفتاری کے باعث گاڑی راستے میں بے قابو ہو کر الٹ گئی اور گہری کھائی میں جا گری۔ حادثے میں جاں بحق ہونے والوں کی لاشیں اور زخمیوں کو فوری طور پر قریبی اسپتال منتقل کیا گیا جہاں زخمیوں کو طبی امداد فراہم کی جا رہی ہے۔
واضح رہے کہ گزشتہ ہفتے بھی ایبٹ آباد کے علاقے بھنگیاں میں اسی نوعیت کا حادثہ پیش آیا تھا جب ایک جیپ گہری کھائی میں گرنے سے خواتین سمیت 5 افراد زخمی ہوئے تھے۔
انتظامیہ نے شہریوں سے اپیل کی ہے کہ پہاڑی علاقوں میں سفر کے دوران احتیاط برتی جائے اور غیر محتاط ڈرائیونگ سے گریز کیا جائے۔