جامعہ کراچی کے برسر معین راجپوت کے اعلامیے کے مطابق نئے تعلیمی سال کے لئے سمسٹر اورسمسٹر امتحانی فیس بغیر لیٹ فیس کے جمع کرانے کی آج آخری تاریخ ہے۔ بی ایس ،آنرز ،بی بی اے ،بی پی اے برائے سمسٹر 3,5,7 ، ڈی فارم ، بی فارم،ایم فارم برائے سمسٹر3,5,7,9 جبکہ ایم ایس،ایم اے ،ایم ایس سی،ایم کام ،ایم بی اے اور ایم پی اے (سال آخر) کے لئے طلبہ اپنی سمسٹر اورسمسٹر امتحانی فیس 28 مارچ تک بغیر لیٹ فیس کے جمع کراسکتے ہیں۔تاریخ گزرنے کے بعد فیس مع 500/= روپے لیٹ فیس کے ساتھ02 اپریل تا08 اپریل2014 ء تک جمع کرائی جاسکتی ہیں۔طلبہ کو فیس جمع کرانے کے بعد وائوچر کی ایک کاپی اپنے متعلقہ شعبے میں جمع کرانا ہوگی۔طلبہ کی آسانی کے لئے فیس جمع کرانے کا شیڈول شعبہ جات کے لحاظ سے تشکیل دیا گیا ہے جس کے تحت طلبہ اپنے شعبہ سے متعلقہ تاریخ معلوم کرکے فیس جمع کراسکتے ہیں۔طلبہ کو ہدایت کی گئی ہے کہ وہ اپنی سمسٹر اور سمسٹر امتحانی فیس کی تفصیلات متعلقہ شعبے سے حاصل کرکے بینک وائوچر پر کریں۔فیس وائوچرز متعلقہ شعبہ جات اور برسر آفس اولڈ ایڈمنسٹریشن بلاک سے حاصل کئے جاسکتے ہیں۔ فیس جمع کرانے کے لئے UBL اور NBP جامعہ کراچی کیمپس برانچز میں خصوصی کائونٹر قائم کردیئے گئے ہیں۔