جامعہ کراچی کے شعبہ نفسیات سال آخر کے انڈسٹریل سائیکولوجی کے طلبہ کے کورس اسائنمنٹ کے ضمن میں ڈاکٹر فرح اقبال کے زیر اہتما م ایک سیمینار بروزجمعرات 03 اپریل 2014ء کو سماعت گاہ کلیہ فنون جامعہ کراچی میں دوپہر2:00 تا5:00 بجے شام منعقد ہوگا،جس میں شیخ الجامعہ پروفیسر ڈاکٹر محمد قیصر بحیثیت مہمان خصوصی ،جبکہ رئیس کلیہ فنون پروفیسر ڈاکٹر مونس احمر بحیثیت مہمان اعزازی شرکت کرینگے۔٭حیدرآباد میں ہیپاٹائٹس سے بچائو اور تشخیص کے لئے مفت کیمپ 29 مارچ کو صبح 11 بجے سے شام پانچ بجے تک ہالاناکہ نزد گھمن آباد میں منعقد ہوگا جس میں ماہر امراض جگر‘ آنت‘ معدہ اور ہیپاٹائٹس کے مریضوں کو مفت مشورے دیں گے۔ ٭ڈائریکٹر جنرل ہیلتھ سندھ نے اپنے اعلامیہ میں بتایا ہے کہ میڈیکل آفیسرز اور وومین میڈیکل آفیسرز (کنٹریکٹ ) اسامیوں کے لیے عمرکوٹ‘ سانگھڑ‘ خیرپور‘ گھوٹکی‘ ٹھٹھہ /سجاول اور بدین اضلاع کا ڈومیسائل رکھنے والے درخواست گزاروں کا تحریری امتحان 29 مارچ 2014 ء کو صبح دس بجے لیاقت یونیورسٹی آف میڈیکل اینڈ ہیلتھ سائنسز جامشورو میں لیا جائے گا۔