اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے اعلان کیا ہے کہ جمعہ 2 مئی کو ملتوی ہونے والے پاکستان اسٹڈیز اور شماریات کے پرچے اب جمعرات 15 مئی کو ہوں گے۔ انہوں نے کہا کہ انٹرمیڈیٹ حصہ دوم سائنس، ہوم اکنامکس اور میڈیکل ٹیکنالوجی کا پاکستان اسٹڈیز کا پرچہ صبح ساڑھے 9 بجے سے ساڑھے گیارہ بجے جبکہ کامرس ریگولر حصہ دوم شماریات کا پرچہ سہ پہر ساڑھے 3 بجے سے شام ساڑھے 5 بجے تک سابقہ امتحانی سینٹرز پر ہی لیا جائے گا۔