جامعہ کراچی کے ناظم امتحانات نے بی اے سال دوم اور (سال اول و دوم) پرائیوٹ کے سالانہ امتحانات برائے 2013ء کے نتائج کا اعلان کردیا ہے۔ نتائج کے مطابق امتحان میںپہلی پوزیشن حافظ عبداللہ منصور سلیمان ولد محمد افضل سلیمان نے800 نمبر لے کر ، دوسری پوزیشن حلیمہ عیسیٰ بنت عیسیٰ ابراہیم نے799 نمبرلے کر اور تیسری پوزیشن سعدیہ محمد علی بنت محمد علی حاجی عثمان نے770 نمبر کے ساتھ حاصل کی۔امتحان میں 8949 طلبہ شریک ہوئے،جس میں 675 طلبہ فرسٹ ڈویژن میں، 2634 طلبہ سیکنڈ ڈویژن میں جبکہ27طلبہ کو تھرڈ ڈویژن میں کامیاب قراردیا گیا۔کامیاب طلبہ کا تناسب37.40فیصد رہا۔