جامعہ کراچی کے رجسٹرار پروفیسر ڈاکٹر معظم علی خان کے مطابق ایم فل، پی ایچ ڈی، ایم ایس، ایم ڈی اور پی ایچ ڈی (قانون) کے داخلہ فارم جمعہ 13 جون تک متعلقہ شعبوں اور انسٹیٹیوٹس میں جمع کرائے جاسکتے ہیں۔ داخلہ ٹیسٹ کے اہل امیدواروں کی فہرست 16 جون کو جاری کی جائے گی،جبکہ ایڈمٹ کارڈ 16 سے 20 جون کو متعلقہ شعبوں اور انسٹیٹیوٹس سے حاصل کئے جاسکتے ہیں۔ داخلہ ٹیسٹ اتوار22 جون کو صبح دس بجے ہوگا۔ تما م امیدواروں کو ہدایت کی جاتی ہے کہ وہ متعلقہ شعبوں اور انسٹیٹوٹس میں ٹیسٹ کے لئے صبح ساڑھے نوبجے ایڈمٹ کارڈ اور اصل قومی شناختی کارڈ کے ساتھ رپورٹ کریں۔