مہران یونیورسٹی آف انجینئرنگ اینڈ ٹیکنالوجی جامشورو کے وائس چانسلر پروفیسر ڈاکٹر محمد اسلم عقیلی کی زیر صدارت سال 2014-15بیچ کے داخلہ ٹیسٹ سے متعلق ایک اجلاس منعقد ہوا۔ اجلاس میں فیصلہ کیا گیا کہ داخلہ ٹیسٹ 26 اکتوبر 2014ءکو مہران یونیورسٹی جامشورو میں لیے جائیں گے اور داخلے کے خواہشمند امیدواروں اور ان کے ہمراہ آنے والے عزیز و اقارب‘ والدین‘ سرپرستوں کو بٹھانے کے لئے بہتر انتظامات کے علاوہ ایک روزہ کینٹین کا بندوبست بھی کیا جائیگا تاکہ امیدواروں کے ہمراہ آنے والے عزیز و اقارب‘ والدین اور سرپرستوں کو کسی قسم کی پریشانی نہ ہو جبکہ ٹیسٹ سینٹر تک رسائی کے لئے ٹریفک کی روانی کو آسان بنائے جانے کے اقدامات زیر غور آئے۔