جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی اے ریگولر سال اول/ دوم کے سپلیمنٹری امتحانی فارم 2050 روپے فیس برائے سال اول / دوم اور کمبائنڈ 3650 روپے فیس کے ساتھ متعلقہ کالجز میں 8؍ جولائی تک جمع کرائے جاسکتے ہیں۔ایسے طلبہ جو 2012ء کی انرولمنٹ کے حامل ہیں وہ سپلیمنٹری امتحان 2013 ء میں شرکت کے اہل نہیں ہونگے، جبکہ ایسے طلبہ جو 2007 ء یا اس سے قبل کی انرولمنٹ کے حامل ہیں اور سپلیمنٹری امتحان میں شرکت کے خواہش مند ہیں انہیں امتحانی فیس کے علاوہ 3000 روپے اضافی چارجز بھی اداکرنا ہونگے۔ ٭ جامعہ کراچی کے ناظم امتحانات کے اعلامیے کے مطابق بی اے پرائیوٹ کے سپلیمنٹری امتحانی فارم بغیر لیٹ فیس 4؍ جولائی تک جمع کرائے جاسکتے ہیں۔ طلبہ اپنے امتحانی فارم 2800روپے فیس برائے سال اول/ دوم اور5000 روپے فیس برائے (سال اول ودوم )کے ساتھ بینک کائونٹرز واقع سلورجوبلی گیٹ پر جمع کراسکتے ہیں۔ ایسے طلبہ جو 2012 ء کی رجسٹریشن کے حامل ہیں وہ سپلیمنٹری امتحان 2013 ء میں شرکت کے اہل نہیں ہونگے ،جبکہ ایسے طلبہ جو 2007 ء یا اس سے قبل کی رجسٹریشن کے حامل ہیں اور سپلیمنٹری امتحان میں شرکت کے خواہش مند ہیں انہیں امتحانی فیس کے علاوہ 3000 روپے اضافی چارجز بھی اداکرنا ہونگے۔