جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی اے ریگولر سال اول/ دوئم کے سپلیمنٹری امتحانی فارم 2050/= روپے فیس برائے سال اول / دوئم اور کمبائنڈ 3650/= روپے فیس کے ساتھ متعلقہ کالجز میں 08 جولائی 2014 ء تک جمع کرائے جاسکتے ہیں۔ایسے طلبہ جو 2012 ء کی انرولمنٹ کے حامل ہیں وہ سپلیمنٹری امتحان 2013 ء میں شرکت کے اہل نہیں ہونگے جبکہ ایسے طلبہ جو 2007 ء یا اس سے قبل کی انرولمنٹ کے حامل ہیں اور سپلیمنٹری امتحان میں شرکت کے خواہش مند ہیں انہیں امتحانی فیس کے علاوہ 3000/= روپے اضافی چارجز بھی اداکرنا ہونگے۔