جامعہ کراچی کے ناظم امتحانات پروفیسر ڈاکٹر ارشد اعظمی کے مطابق ایم اے اور ڈبل ایم اے پرائیوٹ سالانہ امتحانی فارم بغیر لیٹ فیس کے7 جولائی تک جمع کرائے جاسکتے ہیں۔طلبہ اپنے امتحانی فارم 3000 روپے فیس برائے سال اول / دوم کے ساتھ بینک کائونٹر واقع سلور جوبلی گیٹ جامعہ کراچی پر جمع کراسکتے ہیں۔واضح رہے کہ ایسے طلبہ جو 2007 ء یا اس سے قبل کی رجسٹریشن کے حامل ہیں اور ایم اے سال اول / دوم کے سالانہ امتحان میں شرکت کے خواہشمند ہیں انہیں امتحانی فیس کے علاوہ 5000 روپے اضافی چارجز بھی اداکرنا ہونگے۔٭ جامعہ کراچی کے ناظم امتحانات کے مطابق ایم اے/ڈبل ایم اے اور امپرومنٹ آف ڈویژن کے رجسٹریشن فارم 7؍جولائی تک جمع کرائے جاسکتے ہیں۔ طلبہ اپنے رجسٹریشن فارم 2700روپے فیس کے بینک کاونٹرز واقع سلور جوبلی گیٹ جامعہ کراچی پر جمع کراسکتے ہیں۔مضمون میں تبدیلی کیلئے بھی ان ہی تاریخوں میں 700روپے کے ساتھ فارم جمع کرائے جاسکتے ہیں۔٭ جامعہ کراچی کے ناظم امتحانات پروفیسر ڈاکٹر ارشد اعظمی کے مطابق ایل ایل بی سال اول اور دوم کے سالانہ امتحانات 3 سے 18 جولائی صبح 10.00 سے 1.00 بجے دوپہر منعقد ہونگے۔طلبہ اپنے متعلقہ کالجز سے ایڈمٹ کارڈ اور امتحانی پروگرام حاصل کرسکتے ہیں۔