سرسید یونیورسٹی آف انجینئرنگ اینڈ ٹیکنالوجی میں داخلوں کا عمل شروع ہو چکا ہے اور دس شعبوں میںداخلے کے لیئے فارم جمع کرانے کی آخری تاریخ 22؍ ستمبر مقرر کی گئی ہے۔سرسید یونیورسٹی کے چانسلر انجینئر محمد عادل عثمان نے یونیورسٹی کی روایت کے مطابق ہمیشہ کی طرح اس سال بھی داخلوں کے عمل کو شفاف بنانے پر زور دیا اور انتظامیہ کو ہدایت کی کہ 22؍ستمبر کے بعد داخلہ فارم بالکل وصول نہ کئے جائیں کیونکہ داخلہ فارم جمع کرانے کی آخری تاریخ میں توسیع قطعی ممکن نہیں ہے۔اس سال سرسید یونیورسٹی کا رجحان ٹیسٹ 28؍ستمبر کو کراچی ایکسپو سینٹر میں ہوگا۔انھوں نے انتظامات پر گہرے اطمینان کا اظہار کرتے ہوئے کہا کہ سرسیدیونیورسٹی میں ہمیشہ کی طرح اس سال بھی داخلے مکمل طور پر میرٹ کی بنیاد پر ہوں گے۔اس موقع پر وائس چانسلر پروفیسر ڈاکٹر سید جاوید حسن رضوی نے سیکوریٹی انتظامات کا بھی جائزہ لیا۔داخلہ فارم یونیورسٹی کی ویب سائٹ http://www.ssuet.edu.pk سے بھی ڈائون لوڈ کیا جا سکتا ہے