کراچی۔اعلیٰ ثانوی تعلیمی بورڈ کراچی کے ناظم
امتحانات محمد عمران خان چشتی نے انٹرمیڈیٹ گیارہویں جماعت سائنس پری
انجینئرنگ اور سائنس جنرل کے سالانہ امتحانات برائے 2015ء کے اسکروٹنی فارم
جمع کرانے کی تاریخوں کا اعلان کردیا ہے۔
محمد عمران خان چشتی کے مطابق مذکورہ گروپس کے اسکروٹنی فارم متعلقہ سیکشن
سے ضروری تصدیق کے بعد بروز بدھ 9 دسمبر 2015ء سے بروز جمعہ 8 جنوری 2015ء
تک بورڈ میں واقع بینک برانچ میں جمع کروائے جاسکتے ہیں۔ ناظم امتحانات
محمد عمران خان چشتی نے مزید بتایا کہ ان دونوں گروپس کی مارکس شیٹس کالجوں
کو روانہ کردی گئی ہیں، طلباء اپنے کالجوں سے مارکس شیٹس حاصل کرسکتے ہیں۔