اعلیٰ ثانوی تعلیمی بورڈ کراچی کے ناظم
امتحانات محمد عمران خان چشتی نے اعلان کیا ہے کہ سائنس پری میڈیکل، پری
انجینئرنگ، سائنس جنرل اور آرٹس ریگولر گروپس کے ضمنی امتحانات برائے 2015ء
کے عملی امتحانات کا آغاز آج 17 دسمبر 2015ء سے ہورہا ہے، تمام طلباء اپنے
عملی امتحانات کا پروگرام حاصل کرلیں۔
ناظم امتحانات نے بتایا کہ سائنس پری میڈیکل، پری انجینئرنگ اور سائنس جنرل
گروپس کے طلباء عملی امتحانات کا پروگرام گورنمنٹ کالج فار مین ناظم آباد
سے جبکہ آرٹس ریگولر کے طلباء گورنمنٹ اسلامیہ آرٹس اینڈ کامرس کالج نمبر
ایک سے حاصل کرسکتے ہیں جبکہ ان تمام گروپس کی طالبات اپنے عملی امتحانات
کا پروگرام سرسید گورنمنٹ گرلز کالج ناظم آباد سے حاصل کرسکتی ہیں ۔