کراچی۔ اعلیٰ ثانوی تعلیمی بورڈ کراچی کے ناظم امتحانات محمد عمران خان
چشتی کے جاری کردہ اعلامیے کے مطابق انٹرمیڈیٹ سال دوم سائنس پری میڈیکل،
میڈیکل ٹیکنالوجی اور ہوم اکنامکس گروپس کے سالانہ امتحانات برائے 2016ء کے
نتائج کا اعلان بروز پیر 5ستمبر 2016ء کو دوپہر ڈیڑھ بجے کیا جائے گا، اس
موقع پر پوزیشن حاصل کرنے والے طلباء کے اعزاز میں تقریب بورڈ کے آڈیٹوریم
میں منعقد کی جائے گی۔ تمام الیکٹرانک و پرنٹ میڈیا کے نمائندوں سے درخواست
ہے کہ وہ اس پروگرام کی کوریج کے لئے شرکت فرمائیں۔ انہوں نے مزید بتایا کہ
مذکورہ نتائج ہماری ویب پر بھی دیکھے جاسکتے ہیں۔