کراچی……ثانوی تعلیمی بورڈکراچی کے چیئرمین ڈاکٹر سعید الدین کی خصوصی
ہدایات پر جماعت نہم سائنس وجنرل گروپ ریگولر وپرائیویٹ کے سالانہ امتحانی
فارمز برائے سال 2017 جمع کرانے کی تاریخ میں بغیر لیٹ فیس کے 30نومبر
2016تک توسیع کر دی ہے۔ تفصیلات کے مطابق چیئرمین میٹرک بورڈ نے کہاکہ
سائنس وجنرل گروپ ریگولر کے امتحانی فارمز 14نومبر سے 30 نومبر تک بغیر لیٹ
فیس کے جمع کرائے جاسکتے ہیں۔ انہوں نے کہا کہ یہ فیصلہ طلبہ و طالبات اور
والدین کو سہولت فراہم کرنے کی غرض سے کیاگیا ہے تاکہ ایسے امیدوار جو اپنے
والدین کے مالی وسائل کی وجہ سے اب تک فارم جمع نہیں کرا سکے ہیں وہ محروم
نہ رہ جائیں ۔ اس ضمن میں یہ بھی واضح کیا گیا ہے کہ 30نومبر کے بعد پہلے
سے دیئے گئے شیڈول کے مطابق لیٹ فیس کے ساتھ فارم وصول کئے جائیں گے اور
بغیر لیٹ فیس کی وصولی کی تاریخ میں کسی بھی قسم کی توسیع نہیں کی جائے گی۔