آسٹریلیا نے پاکستان کو پہلے ایک روزہ میچ میں جیت کے لئے 269رنز کا ہدف دیا ہے۔
برسبین کرکٹ گراؤنڈ میں کھیلے جارہے میچ میں آسٹریلوی کپتان اسٹیون اسمتھ نے ٹاس
جیت کر پہلے بیٹنگ کا فیصلہ کیا تو ابتدا میں کینگروز ٹیم کو شدید مشکلات کا سامنا
کرنا پڑا اور ابتدائی 5بلے باز 78کے مجموعی اسکور پر پویلین لوٹ گئے۔
ڈیوڈ وارنر7، ٹریوس ہیڈ39کرس لین16، مچل مارش4 اور کپتان اسمتھ بغیر کوئی رن بنائے
آؤٹ ہوئے جس کے بعد گلین میکسویل اور میتھیو ویڈ نے چھٹی وکٹ پر 82رنز جوڑے اور ٹیم
کا مجموعہ 160تک پہنچایا تو میکسویل 60رنز بنا کر حسن علی کی گیند پر کیچ دے بیٹھے۔
ابتدا میں کینگروز بلے بازوں کو مشکلات کا شکار بنانے والے بولرز اپنی کارکردگی
برقرار نہ رکھ سکے اور میتھیو ویڈ نے ہر نئے آنے والے بلے باز کے ساتھ مل کر بولروں
کی خوب پٹائی کی۔
ویڈ نے 100گیندوں پر 2چھکے اور 7چوکوں کی مدد سے اپنی سنچری مکمل کی اور ناٹ آؤ ٹ
رہے جب کہ جیمز فالکنر5 اور مچل اسٹارک 10رنز بنا کر آؤٹ ہوئے۔ پاکستان کی جانب سے
حسن علی نے 3، محمد عامراور عماد وسیم نے 2,2جب کہ محمد نواز نے ایک وکٹ حاصل کی۔