پاکستان نے تیسرے ایک روزہ میچ میں آسٹریلیا کو جیت کے لئے 264رنز کا ہدف دیا ہے جس کے تعاقب میں کینگروز کی بیٹنگ جاری ہے۔
پرتھ میں کھیلے جانے والے میچ میں آسٹریلوی کپتان اسٹیون اسمتھ نے ٹاس جیت کر
گرین شرٹس کو بیٹنگ کی دعوت دی تو قومی ٹیم نے مقررہ 50اوورز میں 7وکٹوں کے نقصان
پر 263 رنز بنائے۔
کپتان محمد حفیظ اور شرجیل خان نے اننگز کا آغاز کیا اور پہلی وکٹ پر دونوں
کھلاڑیوں نے 36رنز جوڑے ہی تھے کہ حفیظ 4رنز بنا کر ایل بھی ڈبلیو آؤٹ ہوگئے جس کے
بعد 85کے مجموعے پر شرجیل خان بھی 50رنز بنا کر پویلین لوٹ گئے۔
گرین شرٹس کی جانب سے بابراعظم 84، شعیب ملک اور عمر اکمل 39,39رنز کے ساتھ نمایاں
رہے جب کہ اسد شفیق 5اور عماد وسیم 9رنز بنا کر آؤٹ ہوئے اور پوری ٹیم نے مقررہ
50اوور ز میں 7وکٹوں کے نقصان پر 263رنز بنائے۔ آسٹریلیا کی جانب سے جوش ہیزلی ووڈ
نے 3، ٹریوس ہیڈ 2، پیٹ کمنز اور بلی اسٹین لیک نے ایک ایک وکٹ حاصل کی۔