آج قومی اسمبلی کے اجلاس میں پالیسی بیان دیتے ہوئے وفاقی وزیر خزانہ اسحاق ڈار نے انکشاف کیا ہے کہ سوئٹزر لینڈ نے پاکستان سے لوٹی ہوئی دولت سے متعلق معلومات فراہم کرنے کے حوالے سے رضامندی ظاہر کردی ہے-
وزیرخزانہ اسحاق ڈار کے مطابق سال 2005 میں پاکستان اور سوئٹزرلینڈ کے مابین
معلومات کے تبادلہ کے حوالے سے ایک معاہدہ طے پایا تھا جبکہ سال 2013 میں سوئٹزر
لینڈ سے اس معاہدے پر مذاکرات کا آغاز بھی ہوا تھا- تاہم سوئٹزر لینڈ کی جابنب سے
ٹیکسوں میں مراعات، ایم ایف این کا درجہ مانگا گیا اور پاکستان نے ان مطالبات کو
تسلیم نہیں کیا۔
تاہم اب سوئٹزرلینڈ کی جانب سے دوبارہ ہماری شرائط پر معاہدہ کے لیے رضامندی ظاہر
کر دی گئی ہے اور سوئٹزر لینڈ اس تمام دولت کے حوالے سے پاکستان کو معلومات فراہم
کرے گا جو پاکستان سے لوٹی گئی ہے
21 مارچ کو دونوں ممالک اس معاہدے پر دستخط کریں گے جبکہ جنوری 2018 سے معلومات کا
تبادلہ شروع ہو جائے گا۔