وزیراعلیٰ پنجاب محمد شہبازشریف اور کور کمانڈر ملتان لیفٹیننٹ جنرل سرفراز ستارکی زیر صدارت کور ہیڈ کوارٹر ملتان میں اجلاس منعقد ہوا ، جس میں چھٹی خانہ و مردم شماری کے لئے کئے گئے انتظامات کے بارے میں تفصیلی بریفنگ دی گئی-
بریفنگ کے دوران بتایا گیا کہ مردم شماری کے پہلے مرحلے کے لئے تمام انتظامات
کرلئے گئے ہیں-اجلاس کے شرکاء نے مردم شماری کے لئے کئے گئے اقدامات پر اطمینان کا
اظہارکیا-وزیراعلی کوگیریژن پبلک لائبریری کے منصوبے پر پیشرفت کے بارے میں بریفنگ
دی گئی-وزیراعلی محمد شہبازشریف نے اجلاس سے خطاب کرتے ہوئے کہا کہ مردم شماری بہتر
مستقبل کی منصوبہ بندی کے لئے اہم قومی ذمہ داری ہے -ہر سطح پر فعال منصوبہ بندی
کرنے کے لئے مردم شماری کی اہمیت اپنی جگہ مسلمہ ہے -انہوں نے کہاکہ نوجوانوں کو
بااختیار بنانے کے لئے پنجاب حکومت نے انقلابی اقدامات کئے ہیں-گیریژن پبلک
لائبریری کا منصوبہ علم کی کرنیں بکھیرنے کے لئے ایک شاندار منصوبہ ہے - پنجاب
حکومت اس ضمن میں ہر ممکن تعاون جاری رکھے گی-چیف سیکرٹری ، سیکرٹری
ہائرایجوکیشن،متعلقہ افسران اور عسکری حکام نے اجلاس میں شرکت کی-وزیراعلی نے
گیریژن پبلک لائبریری کے منصوبے کا بھی دورہ کیا اور یہاں انہیں منصوبے پر ہونیوالی
پیشرفت او ریہاں دی جانے والی سہولتوں کے بارے میں بریفنگ دی گئی-